અમદાવાદ.
19 Aug 2010 Leave a Comment
અહમદશાહને આવે એક વિચાર,
જ્યાં સસલું સિહનો કરે શિકાર.
આ એ અમદાવાદ.
મહાત્મા બેઠોતો સાબરને કાંઠે,
આઝાદીને અહિંસાની વગાડે સિતાર
આ એ અમદાવાદ.
સાત સાત સેતુએ સંબંધમાં શૂન્યતા !
લ્યો ! હવે માનવતા થઈ તડીપાર.
આ એ અમદાવાદ.
જુદી જુદી કોમ પણ તોફાને ટોળું,
પછી પાડોશી પર નહી એતબાર.
આ એ અમદાવાદ.
મારા શહેરની વાત તું કરે ‘હાસ્ય’
જો ફરી બોલ્યો છો ખબરદાર !!!
આ એ અમદાવાદ.
વિપુલ પરમાર ‘હાસ્ય’
